Qalib olduğum üçün çox sevinirəm. Əsərimin birinci yeri tutması məni daha da həvəsləndirdi. Bu sözləri olimpnews.az saytına açıqlamasında "İdman – sağlamlıq, dostluq, birlik...” mövzusunda keçirilən rəsm müsabiqəsinin qalibi olan Əzizə Əfəndiyeva bildirib. "Humanitar Fənlər Təmayüllü Məktəb Liseyinin 6-cı sinfində təhsil alıram. Çəkdiyim rəsm əsərində yer kürəsi üzərində bayraqlar əks olunurdu. Bu rəsm əsəri ilə dünya dövlətlərinin birliyini təsvir etməyə çalışdım. Düşündüm ki, müsabiqədə iştirak edən hər bir iştirakçı Azərbaycan haqqında rəsm əsəri çəkəcək və bu ideyaya toxunan olmayacaq. Ona görə də dünyanın birliyini göstərən rəsm əsəri çəkdim. Qalib olduğum üçün çox sevinirəm. Əsərimin birinci yeri tutması məni daha da həvəsləndirdi”, - deyə Əzizə Əfəndiyeva bildirib.
