Azərbaycan Milli Paralimpiya Komitəsinin (AMPK) prezidenti İlqar Rəhimovun rəhbərlik etdiyi nümayəndə heyəti ikinci Avropa Oyunları çərçivəsində Belarus Milli Paralimpiya Komitəsinin dəvəti ilə Minskdə rəsmi səfərdədir.
AMPK-nin prezidenti İlqar Rəhimov UNICEF-in Belarus Respublikasındakı nümayəndəliyinin rəhbəri Raşed Mustafa ilə görüşüb. Görüşdə Azərbaycanda uşaq paralimpiya hərəkatı sahəsində əldə olunmuş təcrübə və UNICEF-in bu məsələdə rolu haqqında məlumat verilib. Söhbət zamanı Belarus Respublikasında uşaq paralimpiya hərəkatının inkişafı sahəsində UNICEF-in bu ölkədəki nümayəndəliyinin rolu, gələcəkdə uşaqlar arasında beynəlxaq yarışların keçirilməsi geniş müzakirə edilib və bu sahədə əməkdaşlığın vacibliyi qeyd olunub.
Görüşdə Milli Paralimpiya Komitəsinin birinci vitse-prezidenti Natiq Qasımov da iştirak edib.
Beynəlxalq təcrübədə ilk dəfə 2013-cü ildə Azərbaycan Milli Paralimpiya Komitəsinin nəzdində Uşaq Paralimpiya Komitəsi yaradılıb.
