Minsk-2019 II Avropa Oyunları çərçivəsində keçirilən güləş yarışlarında ölkəmiz daha bir qızıl medala layiq görülüb.
65 kq çəki dərəcəsində çıxış edən Hacı Əliyev sərbəst güləş yarışlarında finalda Olimpiya Oyunlarının qızıl ve gümüş medalçısı, üçqat Avropa çempionu Vladimer Xinçeqaşviliyə qalib gəlib. Təmsilçimiz ilk görüşdə ermənistanlı Valodya Firəngülyanı məğlub edib-6:0. İkinci görüşdə də pəhləvanımızın bəxtinə erməni əsilli ukraynalı Hor Ohanesyan düşmüşdu. Hacı Əliyev bu rəqibinə qalib gələrək, finala vəsiqə əldə etmişdi-4:3.
