BMT-nin Əhali Fondunun (UNFPA) Azərbaycan nümayəndəliyi və Azərbaycan Xüsusi Olimpiya Komitəsinin birgə layihəsi çərçivəsində futbolçulardan ibarət 4 qadın komandası üçün nəzəri-praktik açıq təlim keçirilib.
Şəki şəhər 5 saylı orta məktəbdə təşkil edilən tədbirdə UNFPA-nın Türkiyədəki nümayəndəsi və Azərbaycan, Gürcüstan üzrə ölkə direktoru Karl Kulessa idmançılarla söhbət edib, onlara uğurlar arzulayıb.
Şəki şəhərinin 4 orta ümumtəhsil və 2 internat tipli təhsil müəssisələrindən 40-a qədər qızın iştirak etdiyi layihədə iştirakçılar hər birində 10 nəfər olmaqla 4 komandaya bölünərək futbol meydançasında heç bir məhdudiyyətin olmadığını və komanda işinin hər bir əngələ qalib gəldiyini sübut ediblər.
Qeyd edək ki, ötən ildən etibarən BMT-nin Əhali Fondunun Azərbaycan Xüsusi Olimpiya Komitəsi ilə birlikdə həyata keçirdiyi, intellektual əlilliyi olan və olmayan qızların futbol vasitəsilə səlahiyyətləndirilməsi layihəsi öz işini Şəkidə uğurla davam etdirir.
