Azərbaycan Milli Paralimpiya Komitəsinin (AMPK) prezidenti İlqar Rəhimovun rəhbərlik etdiyi nümayəndə heyəti Beynəlxalq Paralimpiya Komitəsinin (BPK) Almaniyanın Bonn şəhərində keçirilən Baş Assambleyasında iştirak edib.
İ.Rəhimov səfər çərçivəsində BPK-nın yeni təyin olunmuş icraçı direktoru Mayk Piters ilə görüşüb.
Görüşdə Paralimpiya Hərəkatının inkişafı, Tokio-2020 XVI Yay Paralimpiya Oyunlarına hazırlıq və BPK ilə AMPK arasında əlaqələrin genişləndirilməsi məsələləri müzakirə edilib.
Komitənin prezidenti "Agitos” Beynəlxalq Fondunun İcraiyyə Komitəsinin sədri Rita Van Drellə də görüşərək əməkdaşlığın inkişafına dair fikir mübadiləsi aparıb.
jpeg-1712257275.jpeg)
