Təşkilat Komitəsi təkzib etdi - Tokio-2020 təxirə salınmayacaq

16:25 11.03.2020
755

Təşkilat Komitəsi təkzib etdi - Tokio-2020 təxirə salınmayacaq

Tokio-2020 Yay Olimpiya və Paralimpiya Oyunlarının təşkilat komitəsi bu qurumun üzvü Harayuki Takahaşinin “The Wall Street Journal” nəşrinə yeni koronavirusla əlaqədar yarışların 1-2 il müddətinə təxirə salına biləcəyi barədə dediklərini təkzib edib.

Bu barədə martın 11-də təşkilat komitəsinin yaydığı bəyanatda deyilir.

Qeyd edək ki, martın 10-da “The Wall Street Journal” nəşri təşkilat komitəsinin üzvü H.Takahaşiyə istinadla Tokio-2020 Yay Olimpiya və Paralimpiya Oyunlarının yeni koronovirus təhlükəsi ilə əlaqədar 1-2 il müddətinə təxirə salına biləcəyi barədə məlumat yayıb.

Nəşr H.Takahaşinin sözlərini sitat gətirərək yazıb: “Düşünmürəm ki, Oyunlar ləğv edilə bilər, bu, yarışların ləğv olunması deyil, tarixin dəyişdirilməsi olacaq. Əgər onları ləğv etsələr, Beynəlxalq Olimpiya Komitəsi çətinliyə düşəcək”.

H.Takahaşi əlavə edib ki, tədbirin bir il sonraya salınması çətin olacaq, belə ki, bu halda Oyunlar digər mühüm idman hadisələri ilə eyni vaxtda düşəcək. H.Takahaşi hesab edir ki, Olimpiya Oyunlarını iki il sonra keçirmək daha asan olacaq. Belə ki, növbəti ilin idman tədbirlərinin cədvəli, demək olar, tamamilə razılaşdırılıb.

Bununla bağlı Tokio-2020 Olimpiya və Paralimpiya Oyunlarının təşkilat komitəsinin yaydığı bəyanatda bildirilir ki, qurum H.Takahaşinin dedikləri ilə bağlı heç bir məlumata malik deyil və yarışlar planda nəzərdə tutulduğu kimi, iyulun 24-də start götürəcək.

Təşkilat komitəsinin yaydığı bəyanatda deyilir: “Biz həmin müsahibənin detalları və tam məzmunu barədə heç bir məlumata malik deyilik. Yarışların təxirə salınması məsələsi hazırda müzakirə mövzusu deyil. Yarışlara hazırlıq planda nəzərdə tutulduğu kimi davam etdirilir”

Digər yazılar

Britaniya rəsmisi narahatlığını gizlətmir

Britaniya rəsmisi narahatlığını gizlətmir

2024-04-19

Paris meri: "Mən yalnız A planı üzərində işləyirəm"

Paris meri: "Mən yalnız A planı üzərində işləyirəm"

2024-04-17

Federasiya rəhbəri atletlərə veriləcək mükafatdan narazıdır

Federasiya rəhbəri atletlərə veriləcək mükafatdan narazıdır

2024-04-17

Paris-2024 Yay Olimpiya Oyunlarının məşəli alovlandırılıb - FOTO/VİDEO

Paris-2024 Yay Olimpiya Oyunlarının məşəli alovlandırılıb - FOTO/VİDEO

2024-04-16

Olimpiya çempionu 20 ildən sonra Afinaya məşəlçi kimi qayıdıb

Olimpiya çempionu 20 ildən sonra Afinaya məşəlçi kimi qayıdıb

2024-04-16

Bu gün Afinada Paris-2024 Yay Olimpiya Oyunlarının məşəli alovlanacaq

Bu gün Afinada Paris-2024 Yay Olimpiya Oyunlarının məşəli alovlanacaq

2024-04-16

Əfsanəvi şərhçi olimpiadaları fərqləndirdi

Əfsanəvi şərhçi olimpiadaları fərqləndirdi

2024-04-12

Əzəmətli Eyfel qülləsi 5 halqa ilə bəzədiləcək

Əzəmətli Eyfel qülləsi 5 halqa ilə bəzədiləcək

2024-04-09

Sena çayı Paris-2024-ün açılış mərasiminin məşqlərinə mane oldu

Sena çayı Paris-2024-ün açılış mərasiminin məşqlərinə mane oldu

2024-04-03

Fransızlar Paris Olimpiadasını tətillərlə pozacaqlar?

Fransızlar Paris Olimpiadasını tətillərlə pozacaqlar?

2024-04-03