Yaponiyanın paytaxtı Tokioda keçiriləcək Yay Olimpiya Oyunlarının yol xəritəsi may ayına qədər təqdim olunacaq.
Bu barədə razılıq Tokio olimpiadasının Təşkilat Komitəsi və IOC nümayəndələri arasındakı videokonfrans şəklində danışıqlar nəticəsində müəyyənləşib.
Yeni yol xəritəsinin bu ay başlayacaq hazırlıqları iki işçi qrupu vasitəsi ilə həyata keçiriləcək.
Qeyd edək ki, Tokio Yay Olimpiya Oyunları koronavirus pandemiyasına görə təxirə salınıb və gələn il 23 iyul - 8 avqustda keçiriləcək.
