Beynəlxalq Olimpiya Komitəsi (BOK) “Tokio-2020” Yay Olimpiya Oyunlarının koronavirus pandemiyası səbəbindən təxirə salınması ilə bağlı bəzi məqamları açıqlayıb.
Tokio-2020 Təşkilat Komitəsi bu il Olimpiada üçün alınan biletlərin 2021-ci ildə də etibarlı olacağını və yarışlara gələ bilməyən bilet sahiblərinə kompensasiya ödəniləcəyini bildirib. Qeyd edilib ki, BOK otel və ya təyyarə biletləri üçün sifarişlərə görə məsuliyyət daşımır. Çünki burada üçüncü tərəf var. Olimpiya Oyunlarında tamaşaçı kimi iştirak etmək istəyənlər onları maraqlandıran suallara cavab almaq üçün birbaşa Tokio-2020 Təşkilat Komitəsi və ya sifariş verdikləri şirkətlərlə əlaqə saxlaya bilərlər.
