Məşhur amerikalı idmançı Şed Qaspard itkin düşüb. Məlumata görə, hadisə 39 yaşlı amerikalı restler həyat yoldaşı və 10 yaşlı oğlu ilə Los-Anceles çimərliklərindən birində istirahət edərkən baş verib. Böyük dalğa zamanı idmançı övladı və bir qrup şəxs ilə dənizdə olublar. Nəticədə baş verən burulğan onları dərinliyə aparıb. Xilasedicilər Ş.Qaspardı tapsalar da, o, əvvəlcə oğlunu xilas etmələrini xahiş edib. İdmançının oğlu xilas edilərək, sahilə çıxarılıb. Lakin Şed Qaspardı o andan sonra görən olmayıb. Hazırda axtarışlar davam edir, lakin insanların xilas etməsi ilə məşğul olan Los-Anceles Yanğın Xidmətinin nümayəndələri idmançının boğulduğunu istisna etmirlər. Ötən gün isə Şed Qaspardın həyat yoldaşı instaqram sosial şəbəkəsində müraciət paylaşıb. O, həyat yoldaşını görən insanlardan onunla əlaqə saxlamağı xahiş edib.
jpg-1713610032.jpg)
