Fevralın 1-2-də Bakı Olimpiya Kompleksində bədii gimnastika üzrə 20-ci Bakı birinciliyi keçirilib. Yarışlarda 6 yaş qrupu üzrə (böyük yaşlı və yeniyetmə idmançılar, eləcə də 2001-2002, 2003, 2004 və 2005-ci illər təvəllüdlülər) 93 gimnast və 3 qrup komandası bacarığını nümayiş etdirib.
Yarış iştirakçıları çoxnövçülük üzrə qüvvələrini sınayıblar. Paytaxt birinciliyində "Neftçi" İSM, Bakı Gimnastika Məktəbi, Respublika Kompleks İdman Məktəbi, "Spartak" İK, Daxili İşlər Nazirliyinin İdman Cəmiyyəti, "Sərhədçi" İOM, "Bakı" PİK, Nizami rayonunun Uşaq-Gənclər Yaradıcılıq Mərkəzinin idmançıları çıxış ediblər. Yarışda fərqlənənlər diplom, medal və hədiyyələrlə mükafatlandırılıblar.
