"Yuventus”un qapıçısı Canluici Buffon karyerasını bitirdikdən sonrakı planları barədə danışıb. İtaliyalı qapıçı ailəsinə və təhsilinə vaxt ayıracağını bildirib. O, orta təhsilini tamamlamaq niyyətində olduğunu vurğulayıb:
"Futboldan ayrılandan sonra bir il yaradıcılıq məzuniyyəti götürəcəyəm. Özümə və ailəmə vaxt ayıra bilərəm.
Orta məktəbdə təhsilimi də bitirməyi planlaşdırıram. 30 ildir ki, valideynlərim bununla bağlı beynimi dəng ediblər”.
Məlumat üçün bildirək ki, 42 yaşlı Buffon "Yuventus”la müqaviləsini gələn ilin yayına qədər uzadıb.
