Avqustun 13-18-də Sofiya şəhərində güləş üzrə qızlar arasında dünya çempionatı keçiriləcək. Bununla bağlı olaraq, sərbəst güləş üzrə yığma komandamız çempionata hazırlıqları davam etdirir. Belə ki, sərbəst güləş üzrə qadınlardan və gənc qızlardan ibarət yığma komandanın üzvləri dünya çempionatına hazırlığını Astara Olimpiya İdman Kompleksində Türkiyənin qadın güləşi yığması ilə birgə keçir.
Yığma komandamızın heyətinə Şəfəq Muradzadə (44 kq), Kəmalə Əliyeva (48 kq), Patimat Baqomedova, Anjela Doroqan (hər ikisi 51 kq), Almaz İsmayılova, Yarina Dubovska (hər ikisi 55 kq), Alyona Kolesnik, Yuliya Ratkeviç (hər ikisi 59 kq), Anna Belyayeva, İrina Netreba, Raqnetta Qurbanzadə, Elmira Həsənova (hamısı 63 kq), Gözəl Zutova və Səbirə Əliyeva (hər ikisi 72 kq) cəlb olunub. Hazırlıq prosesində yığma komandamıza baş məşqçi Yaqub Məmmədov, böyük məşqçilər Konstantin Konorev, Arif Fərmanov və məşqçilər Aslan Ağayevlə Həsrət Məmmədyarov rəhbərlik edirlər.
Türkiyə yığma komandasının heyətində isə məşqçilər Şemseddin Yıldız, Zeynep Yıldırım Diri və Habil Karanın başçılığı altında 12 idmançı yer alıb. Təlim-məşq toplanışı avqustun 8-də yekunlaşacaq.
jpeg-1749053062.jpeg)
