Polşanın ev sahibliyi etdiyiIII Avropa Oyunlarının tərkib hissəsi olan atletika üzrə komandalar arasında Avropa çempionatıdavam edir. III divizionda mübarizə aparan Azərbaycan atletləri çıxışlarını başa vurublar. Oyunların üçüncü günündə idmançılarımızdan 200 metr məsafəyə qaçış yarışında İlahə Quliyeva və Aleksey Əliəkbərov 10-cu yeri tutublar.
Nüvəitələmə yarışında isə İsmail Əliyev 7-ci olub. Uzunluğa tullanma növündə isə Fəxriyyə Tağızadə 5.14 metr nəticə ilə 9-cu yerlə kifayətlənib. 5000 metr məsafəyə qaçışda Elman Abışov 12-ci, 1500 metr məsafəyə qaçışda isə Anna Yusupova 6-cı olub.
Qarışıq estafetdə 4x400 metr məsafə üzrə yarışda Cavid Məmmədov, Lamiyə Vəliyeva, Əli Abdiyev, İlahə Quliyeva 7-ci yeri tutub.
Qeyd edək ki, təmsilçilərimizdən Anna Skidan medal şansını saxlayır. III divizionun qalibi olan A.Skidanı II divizionda yalnız Rumıniya atleti Byanka Gelber qabaqlaya bilib. Yekun nəticələr I divizionda mübarizə yekunlaşdıqdan sonra məlum olacaq.
