Kişi voleybolçular arasında Yüksək Liqada ilin son oyunu keçirilib.
Gənclər və İdman Nazirliyinin Voleybol Mərkəzində təşkil olunan matçda “Azərreyl” və “Neftçi” klubları üz-üzə gəliblər.
Qarşılaşmanın gərgin keçən ilk setini “ağ-qaralar” qalib başa vurublar. İkinci hissədə isə nominal meydan sahibləri daha yaxşı oynayaraq hesabı bərabərləşdiriblər. Lakin “Neftçi” yenidən təşəbbüsü ələ alaraq növbəti setləri də aktivinə yazdırıb və 3:1 hesablı qələbə qazanıb.
Turnir cədvəlinə 16 xalla “Xarı Bülbül Şuşa” başçılıq edir. 14 xalı olan “Azərreyl” 2-cidir. “Murov” 13 xalla üçüncü, “Neftçi” 10 xalla dördüncü, “Xarı Bülbül Laçın” 4 xalla beşinci, xalı olmayan MOİK isə 6-cı yerdədir.
jpg-1734007141.jpg)
