Şərqi Avropa Voleybol Zonal Assosiasiyası (EEVZA) çempionatında iştirak edəcək 20 yaşadək voleybolçu qızlardan ibarət millimiz yarışa hazırlıqlarını davam etdirir.
Şahin Çatmanın rəhbərlik etdiyi komandamız məşq prosesini AVF-nin İdman zalında keçir. Təlim-məşq prosesinə yarışda iştirak edəcək 14 idmançı cəlb olunub.
Qeyd edək ki, EEVZA çempionatı 3-7 yanvar 2024-cü il tarixlərində Litvanın Şaulyay şəhərində təşkil olunacaq. Yığmamız yanvarın 2-də Litvaya yola düşəcək. Qızlarımız ilk oyununu yanvarın 3-də Estoniya komandasına qarşı keçirəcək.
jpg-1734007141.jpg)
