Güləş üzrə "Qızıl Qran-Pri” beynəlxalq turnirinin final mərhələsinin iştirakçıları noyabrın 22-də Azərbaycan xalqının ümummilli lideri Heydər Əliyevin abidəsini ziyarət ediblər.
İdmançılar Heydər Əliyev Sarayının qarşısındakı parka gələrək, müstəqil dövlətimizin memarı və qurucusu, Azərbaycanda bədən tərbiyəsi və idmanın inkişafına, gənc nəslin sağlam və vətənpərvərlik ruhunda böyüməsinə daim böyük diqqət və qayğı göstərmiş Ulu Öndərin xatirəsini ehtiramla anmış, onun abidəsi önünə əklil və gül dəstələri qoymuşlar. Turnir iştirakçıları abidə önündə xatirə şəkli də çəkdirmişlər.
Qeyd edək ki, noyabrın 22-24-də Bakıda keçiriləcək güləş üzrə "Qızıl Qran-Pri” beynəlxalq turnirinin final mərhələsində 32 ölkədən 400-ə yaxın ən güclü pəhləvan mübarizə aparacaqdır. Ümummilli lider Heydər Əliyevin xatirəsinə həsr olunmuş bu yarış Beynəlxalq Güləş Federasiyasının təqvim planında olan ən mühüm yarışlardan biridir.
jpeg-1749053062.jpeg)
