"Gənclik” Tələbə İdman Cəmiyyəti Respublika Şurasının təşkilatçılığı ilə təhsil müəssisələri arasında keçirilən XI Respublika Spartakiadası davam edir.
Bakı 2 saylı Baza Tibb Kollecində keçirilən stolüstü tennis (oğlan, qız) üzrə yarışda qaliblər müəyyənləşib.
Oğlanlar arasında keçirilən turnirdə 9 komanda qalib adı uğrunda mübarizə aparıb. Maraqlı idman mübarizəsi şəraitində keçən yarışda Bakı 2 saylı Baza Tibb Kolleci birinci yerə layiq görülüb. Bakı Biznes ve Kooperasiya Kolleci ikinci, Bakı Texniki Kolleci isə üçüncü yerlə kifayətləniblər.
Qızların mübarizəsində də 9 komanda qalib adı uğrunda yarışıb.
Gərgin idman mübarizəsi şəraitində keçən yarışda Bakı Rabitə və Nəqliyyat Kollecinin komandası fəxri kürsünün ən yüksək pilləsinə qalxıb. Bakı 2 saylı Baza Tibb Kolleci və Bakı Dovlət Sosial Iqtisad Kolleci isə müvafiq olaraq ikinci, üçüncü yerləri tutublar.
