"Qarabağ" UEFA Avropa Liqasının 1/8 final mərhələsində cavab oyununa çıxıb. Almaniyadakı "BayArena"da keçirilən oyunda "Bayer" klubu ilə qarşılaşan Azərbaycan çempionu rəqibinə 3:2 hesabı ilə məğlub olaraq turnirlə vidalaşıb.
Oyunda bütün qollar matçın ikinci hissəsində vurulub. Matçın 58-ci dəqiqəsində Abdullah Zubir hesabı acib. Qoldan dörd dəqiqə sonra "Qarabağ"ın müdafiəçisi Elvin Cəfərquliyev birbaşa qırmızı vərəqə alaraq meydanı tərk edib. Buna baxmayaraq, on nəfərlə qalan Qurban Qurbanovun komandası bundesliqa təmsilçisini ikinci dəfə meydanın mərkəzinə dəvət edib. Matçın 67-ci dəqiqəsində Olavio Juninyo qapı qarşısına ötürməni dəqiq zərbə ilə tamamlayıb. Təəssüf ki, komandamız bu üstünlüyünü sona qədər qoruya bilməyib.
72-ci dəqiqədə Leverkuzen təmsilçisində Ceremi Frimponq fərqi azaldıb. 90+3-cü dəqiqədə Patrik Şik hesabı bərabərləşdirib. Çexiyalı hücumçu 90+8-ci dəqiqədə isə qələbə qolunu vurub.
Bu komandalar arasında Bakıda keçirilən ilk oyun 2:2 hesablı heç-heçə ilə başa çatmışdı. Beləliklə, Almaniya təmsilçisi iki oyunun nəticəsinə görə, 5:4 hesabı ilə qalib gələrək 1/4 finala vəsiqə qazanıb.
"Qarabağ"ın Avrokuboklar həyəcanı başa çatdı
