Bu gün Bakı vaxtilə saat 15:00-da İsveçrənin Nyon şəhərində UEFA Çempionlar Liqasının 1/4 final mərhələsinin püşkü atılacaq. Püşkatmada "Bayern Münhen", "Mançester Siti", "Real Madrid", "Arsenal", PSJ, "Barselona", "Borussia Dortmund" və "Atletiko Madrid" komandaları iştirak edəcək.
Çempionlar Liqasının 1/4 final mərhələsində komandaların bölgüsündə heç bir məhdudiyyət yoxdur. Ona görə də əvvəllər qrup mərhələsində qarşılaşmış komandalar və eyni ölkənin komandaları bir-birinə qarşı oynaya bilərlər.
Cütlərin ilk 1/4 final oyunları aprelin 9 və 10-da baş tutacaq. Cavab oyunları isə aprelin 16 və 17-də təşkil ediləcək.
Püşkatma UEFA.com saytında canlı yayımlanacaq.
