Bu gün futbol üzrə Azərbaycan Premyer Liqasının 34-cü turu çərçivəsində daha iki oyun keçiriləcək.
Turun ikinci oyun gününün ilk qarşılaşması "Araz-Naxçıvan" və "Turan Tovuz" komandaları arasında olacaq. "Liv Bona Dea Arena"da keçiriləcək oyuna saat 17:00-da start veriləcək. Qarşılaşmanın baş hakimi Kamal Umudlu olacaq. 33 turdan sonra Naxçıvan təmsilçisi 35 xalla doqquzuncu, "Turan Tovuz" isə 42 xalla yeddincidir.
Günün digər oyununda isə "Zirə" klubu doğma meydanda "Qarabağ"ı qəbul edəcək. FIFA dərəcəli hakim Əliyar Ağayevin idarə edəyi oyuna saat 19:30-da start veriləcək. Çempionluğu hələ ötən turlardan təmin edən "Qarabağ"ın aktivində 76, üçüncü pillədə yer alan "Zirə"nin isə 52 xalı var.
Tura mayın 12-də keçiriləcək iki qarşılaşma ilə yekun vurulacaq.
