Akrobatika gimnastikası üzrə Azərbaycan millisi Bolqarıstanın Burqas şəhərində keçirilən Dünya Kubokunda uğurla çıxış edib.
Azərbaycan Gimnastika Federasiyasının mətbuat xidmətindən verilən məlumata görə, gimnastlarımız yarışda 4 medal qazanıblar. Belə ki, Ağasif Rəhimov və Raziyə Seyidli qarışıq cütlüyü, həmçinin Zəhra Rəşidova, Anahita Bashiri və Nəzrin Zeyniyevadan ibarət üçlük qızıl medala sahib çıxıb.
Murad Rəfiyev və Daniel Abbasovdan ibarət cütlük, Riad Səfərov, eləcə də Abdulla Əl-Məşayxi, Seymur Cəfərov və Seyidli Rəsul ibarət kvartet isə Dünya Kubokunda ikinci olub.
jpg-1721726907.jpg)
