"Qarabağ" klubunun hücumçusu Olavio Juninyo bu həftə İspaniyanın "Sevilya" klubu ilə 2+1 illik müqavilə imzalayacaq. Ağdam klubu braziliyalı futbolçunun transferindən dörd milyon avro qazanacaq. Bundan əlavə İspaniya təmsilçisi Çempionlar Liqasına vəsiqə qazanacağı təqdirdə Azərbaycan çempionuna əlavə ödəniş edəcək. Əndəlüs təmsilçisi qitənin bir nömrəli klub turnirinə qatılsa, "köhlən atlar"a 250 min avro ödəyəcək. Bundan əlavə, "Qarabağ" 28 yaşlı hücumçunun növbəti satışından 20 faiz gəlir əldə etmək hüququna da malik olacaq.
