AFFA İntizam Komitəsi II Liqanın XVIII turunda baş verən qayda pozuntularına görə bir neçə klubu cərimələyib.
"Ağdaş" komandası "Sheki City" ilə qarşılaşmada beş futbolçusunun sarı vərəqə alması səbəbindən 70 manat cərimə edilib. Matçın 90+3-cü dəqiqəsində Ülvi Sarıyev ikinci sarı vərəqə ilə meydandan kənarlaşdırıldığı üçün klub əlavə olaraq 50 manat ödəniş etməli olacaq. Bundan başqa, azarkeşlərin meydana kənar əşyalar atması səbəbindən "Ağdaş" 80 manat cərimələnib.
"Şəmkir" klubunun dörd futbolçusuna "Şəfa" ilə oyunda sarı vərəqə göstərildiyi üçün komanda 70 manat məbləğində cəriməyə məruz qalıb. Oyundan sonra meydana kənar şəxslərin daxil olması isə "Şəfa" klubuna əlavə 80 manat cərimə gətirib.
"Kür-Araz" komandası "Füzuli" ilə oyunun ilkin protokolunu elektron sistemdə gec təsdiq etdiyinə görə 100 manat cərimələnib. Bundan əlavə, altı futbolçusunun sarı vərəqə alması klub üçün əlavə 70 manat zərər demək olub.
"Füzuli" komandası isə dörd oyunçusunun sarı vərəqə ilə cəzalandırılmasına görə 70 manat ödəyəcək. Üstəlik, adı matçın protokolunda olmayan Vasif İsmayılovun texniki zonada olması səbəbindən klub 80 manat cərimələnib.
3jpg-1743274653.jpg)
