İspaniya La Liqası klubun təsdiqi və qanuni əsaslandırması olmadan yayımladığı bəyanatı silib. Həmin bəyanatda "Barselona"nın maliyyə məsələləri, o cümlədən auditorların adları kimi şəxsi məlumatlar yer alırdı. Bu isə İspaniyanın məlumatların qorunması qanunlarının pozulması kimi qiymətləndirilib.
Məlumata görə, La Liqa yayımladığı açıqlamada məlumatın şəffaflığını və qorunmasını təmin edə bilmədiyi üçün geri addım atıb. Bu addım "Barselona"nın hüquqi tədbirlər görmək imkanını gündəmə gətirib. Klubdan məsələ ilə bağlı məhkəməyə müraciət ediləcəyi bildirilir.
Hazırda bununla bağlı nə La Liqa, nə də "Barselona" rəhbərliyi rəsmi açıqlama verməyib. Lakin bu hadisənin iki tərəf arasında onsuz da gərgin olan münasibətləri daha da kəskinləşdirə biləcəyi ehtimal edilir.
3jpg-1743274653.jpg)
