UEFA "Atletiko" klubunun şikayətinə əsasən "Real Madrid" klubunun ulduz futbolçuları – Antonio Rüdiger, Kilian Mbappe və Dani Sebalyos cəzalandırıb. Qurum yalnız maliyyə cəzası ilə kifayətlənərək, oyunçulara meydandan kənarda qalmaq cəzası tətbiq etməyib.
Qərara əsasən, müvafiq olaraq Rüdigerə 40 min avro cərimə və 1 oyunluq şərti diskvalifikasiya (UEFA turnirlərində), Mbappeyə 30 min avro cərimə + 1 oyunluq şərti diskvalifikasiya, Sebalyosa isə 20 min avro cərimə (diskvalifikasiya olmadan) kəsilib.
Şərti diskvalifikasiya 1 il ərzində təkrar qayda pozuntusu halında aktivləşəcək.
Vinisius Junior isə hər hansı bir cəzaya məruz qalmayıb.
Qeyd edək ki, "Atletiko" klubu Çempionlar Liqasının 1/8 finalında "Real Madrid" klubunun oyunçularının qol sevinci zamanı qeyri-adekvat davranışlarına görə UEFA-ya şikayət etmişdi. Həmin oyunda "Kral klubu" penalti seriyasında rəqibinə qalib gələrək 1/4 finala vəsiqə qazanmışdı.
"Atletiko"nun şikayəti rədd edildi, cəza yalnız cərimə ilə yekunlaşdı
3jpg-1743274653.jpg)
