"Juventus" klubunda baş məşqçi dəyişiklikləri ilə bağlı sular durulmur. İtaliya mətbuatının yaydığı məlumata görə, Turin təmsilçisi növbəti mövsüm üçün baş məşqçi postuna Antonio Konteni əsas namizəd kimi görür.
Klub rəhbərliyi mövsüm ərzində komandanın qeyri-sabit çıxışından narazıdır və yeni dövrə daha təcrübəli, klubu yaxşı tanıyan bir çalışdırıcı ilə başlamaq istəyir. Bu baxımdan, Konte ideal seçim kimi qiymətləndirilir.
Antonio Konte "Juventus"un uğurlu dövrlərindən birinə rəhbərlik edib. O, 2011-2014-cü illərdə "qoca sinyora"nın baş məşqçisi olmuş, bu müddətdə üç ardıcıl A Seriyası çempionluğu qazanmışdı. Sonrakı illərdə "Çelsi", "İnter" və "Tottenhem" klublarında çalışan Konte hazırda "Napoli" klubunun baş məşqçisidir.
Antonio Konte "Juventus"a qayıdır? – Yeni mövsüm üçün əsas namizəd
