Londonun “Arsenal” klubu “Atletik”in sol cinah oyunçusu Niko Uilyamsla maraqlanır. Futbolçu eyni zamanda PSJ və “Çelsi”nin diqqt mərkəzinə düşüb. “Topçular” rəqiblərinə qalib gəlmək və 23 yaşlı futbolçu üçün əlverişli müqavilə şərtləri yaratmaq üçün basklara 60 milyon avrodan çox pul təklif etməyə hazırdır. Bununla da futbolçu komandanın ən yüksək maaş alan oyunçusu olacaq. İspaniyalı futbolçu Deklan Rays, Bukayo Saka və Martin Odeqardın qazandığı kimi həftədə 250 min funt-sterlinqdən, hətta Kai Havertsin qazandığı 280 min funt-sterlinqdən də çox pul əldə edə bilər.
Xatırladaq ki, La Liqanın cari mövsümündə Niko Uilyams 25 matçda 4 qol vurub, 5 məhsuldar ötürmə edib.
