Bu gün qadın voleybolçular arasında Azərbaycan Yüksək Liqasında final mərhələsinə start veriləcək. Həlledici qarşılaşmada “Azərreyl” və “Abşeron” komandaları üz-üzə gələcək. İlk final oyunu Gənclər və İdman Nazirliyinin Voleybol Mərkəzində keçiriləcək. Görüş saat 15:00-da başlayacaq.
Çempionun adına isə aprelin 24-də keçiriləcək cavab görüşündən sonra aydınlıq gələcək. Final mərhələsi iki oyunun nəticəsinə əsasən müəyyənləşəcək. Əgər komandalar hərəyə bir qələbə qazanarsa və xallar da bərabər olarsa, o zaman qalibi “qızıl set” müəyyən edəcək.
Qeyd edək ki, hər iki kollektiv mövsüm ərzində stabil çıxışı ilə seçilib və azarkeşlər final oyunlarında gərgin idman mübarizəsi gözləyirlər.
jpeg-1745045780.jpeg)
