İranda sərbəst güləş üzrə böyüklər arasında keçirilən Dünya kuboku yarışarında Azərbaycanla yanaşı, Rusiya, İran, ABŞ, Gürcüstan, Qazaxstan, Yaponiya, Belarus, Bolqarıstan və Türkiyənin sərbəst güləşçiləri iştirak ediblər. Püşkatmanın nəticələrinə əsasən, Azərbaycan yığması Rusiya, Türkiyə, Belarus və Qazaxıstanla birgə "A" yarımqrupunda, İran, Bolqarıstan, ABŞ, Yaponiya və Gürcüstan komandaları "B" yarımqrupunda mübarizə aparıb. Azərbaycan güləşçiləri ilk görüşünü Rusiya yığmasına qarşı keçirib. Görüş Rusiya təmsilçilərinin qələbəsi ilə başa çatıb. Yarımqrupun ikinci görüşündə Belarus güləşçiləri ilə qarşılaşan yığmamız gərgin keçən görüşdən 4:3 hesablı qələbə ilə ayrılıb.
Komandamızın növbəti görüşü Qazaxıstan güləşçiləri ilə olub, ancaq bu dəfə də güləşçilərimiz rəqiblərindən üstün ola bilməyiblər. Yarımqrupda son görüş Türkiyə yığmasına qarşı keçirilib, görüş 5:2 hesabı ilə Türkiyə güləşçilərinin qələbəsi ilə başa çatıb. Bu nəticə ilə yığmamız yarımqrupda sonuncu yeri tutub və digər yarımqrupun sonuncusu olan Bolqarıstan güləşçiləri ilə qarşılaşıb. Rəqibə heç bir şans verməyən güləşçilərimiz tam üstünlüklə qalib gələrək Dünya kubokunu 9-cu sırada başa vurublar.
jpeg-1749053062.jpeg)
