Dünən Paraqvayın paytaxtı Asunsionda FİFA-nın 75-ci Konqresi keçirilib.
Olimpnews,az xəbər verir ki, qurumun rəhbəri Canni İnfantino çıxış zamanı bu mötəbər tədbirin növbəti dəfə keçiriləcəyi şəhərin adını açıqlayıb.
"Biz demək olar ki, sizinlə fərqli vaxtlarda müxtəlif tədbirlərdə üz-üzə gəlirik. Maraqlı deyil ki, Asunsiondan sonra biz harada toplaşacağıq? Gəlin onu da açıqlayım. Buradan bildirmək istəyirəm ki, FİFA-nın növbəti 76-cı Konqresi 2026-cı il aprelin 30-da Kanadanın Vankuver şəhərində təşkil olunacaq. Həmin tədbirdən sonra Vankuver futbol üzrə dünya çempionatına ev sahibliyi edən şəhərlərdən biri olacaq. Ürəyinizi futbol ailəsinə açdığınız üçün Paraqvay, sizə təşəkkür edirik", - deyə İnfantino bildirib.
