Ukraynanın Krivoy-Roq şəhərində yeniyetmə və gənc qızlar arasında güləş üzrə ənənəvi beynəlxalq turnir keçirilib.
Turnirdə iştirak edən yeniyetmə və gənc qızlardan ibarət yığma komandamızın üzvləri 3 qızıl, 5 gümüş və 2 bürünc medal qazanıblar.
Güləşçilərimizdən Şəfəq Muradzadə (48 kq), Leyla Qurbanova (51 kq) və Raqnetta Qurbanzadə (67 kq) bütün rəqiblərindən üstün olublar.
Türkan Nəsirova (44 kq), Anna Pavliv (48 kq), Solmaz Həşimzadə (55 kq), Alyona Kolesnik (59 kq) və Elmira Qəmbərova (63 kq) gümüş medalla kifayətləniblər. Bürünc medalları isə yığmamıza Şəbnəm Əhmədova (51 kq) və Dərya Korin (63 kq) qazandırıblar.
jpeg-1736407840.jpeg)
