Usangi Kokauri dünya çempionatını beşinci pillədə başa vurdu

Cüdo üzrə milli komandamızın üzvü Uşangi Kokauri dünya çempionatını beşinci pillədə başa vurub.
Olimpnews.az xəbər verir ki, +100 kq çəki dərəcəsində qüvvəsini sınayan cüdoçumuz bürünc medal uğrunda həlledici qarşılaşmada tacikistanlı Temur Raximova məğlub olub.
Beləliklə, dünya çempionatının fərdi yarışlarında 13 (9 kişi, 4 qadın) cüdoçu ilə təmsil olunan komandamız mundialı üç bürünc medalla başa vurub. Yığmamızın aktivinə medalları Zelim Tçkayev (-81 kq), Elcan Hacıyev (-90 kq) və Zelim Kotsoyev (-100 kq) qazandırıb.
Millimiz bu nəticə ilə ümumi komanda hesabında 14-cü yeri tutub.
Qeyd edək ki, dünya çempionatına sabah qarışıq komanda yarışları ilə yekun vurulacaq.