Futbol üzrə 2026-cı ildə keçiriləcəkdünya çempionatının oyunlarına ev sahibliyi edən Amerika şəhərlərindəki təşkilat komitələri hazırlıq üçün kifayət qədər maliyyələşmə problemi ilə üzləşib.
Olimpnews.az Politico portalının məlumatına istinadən xəbər verir ki, ən azı iki regional komitə rəsmi olaraq lazımi maliyyə dəstəyinin olmaması ilə bağlı narahatlığını ifadə edib. Qeyd edək ki, 48 milli komandanın iştirakı ilə ilk dəfə keçiriləcək dünya çempionatı iyunun 11-dən iyulun 19-dək ABŞ, Kanada və Meksikada keçiriləcək. ABŞ-da ev sahibliyi edən şəhərlər sırasına Şərqi Ruterford, Arlinqton, Kanzas Siti, Hyuston, İnqlvud, Sietl, Atlanta, Filadelfiya, Santa Klara, Mayami Qardens və Foksboro daxildir.
