Martın 3-dən 7-dək "Sərhədçi” İdman Olimpiya Mərkəzində yeniyetmə və gənclər arasında sərbəst və yunan-Roma güləşi üzrə Azərbaycan çempionatı keçiriləcək. Yarışın keçirilməsində əsas məqsəd güləş idman növünün təbliği və inkişafına nail olmaq, respublikada fəaliyyət göstərən idman təşkilatlarında təlim-məşq prosesini təkmilləşdirmək və müvafiq yaş qrupu üzrə mükafata layiq yerlər tutmuş idmançıları yığma komandalara cəlb etməkdir.Çempionat FİLA-nın mövcud qaydalarına əsasən təşkil olunacaq və şəxsi xarakter daşıyacaq.
Yarışlar hər gün səhər saat 10:00-da başlanacaq. Təntənəli açılış marasimi martın 3-ü, saat 17:00-da keçiriləcək. Hər çəki dərəcəsində mükafata layiq yerlər tutan idmançılar medal və diplomla yanaşı, Azərbaycan Güləş Federasiyası tərəfindən pul mükafatı ilə də təltif olunacaq və yığma komandanın heyətinə cəlb olunacaqlar.
Turnirin proqramına əsasən, martın 3-5-də yeniyetmə, martın 6-7-də isə gənc güləşçilər arasında ən güclülər müəyyənləşəcək.
jpeg-1736407840.jpeg)
