Bu gün III MDB Oyunları çərçivəsində keçirilən kamandan oxatma yarışlarına da start verilib.
Olimpnews.az xəbər verir ki, Xankəndi stadionunda keçirilən yarışın ilk günündə qadınlar və kişilər arasında fərdi yarışlarda 1/8 finala vəsiqə qazanan idmançıların adlarına aydınlıq gəlib. Azərbaycan komandasının 5 üzvü uğurla çıxış edərək adını 1/8 finala yazdırıb. Komandamızın heyətində Nurlan Rəhimli və Fatimə Hüseynli birbaşa 1/8 final mərhələsinə yüksəliblər. Bununla yanaşı, Sümeyyə Bədəlli, Nilufər Ağaməmmədli və Sərdar Vəliyev şəxsi qarşılaşmalarda qalib gələrək 1/8 finalda mübarizə aparmaq hüququ əldə ediblər. Digər iştirakçımız Zahid Kazımzadə isə fərdi yarışlarda 1/16 final mərhələsində mübarizəni dayandırıb.
jpeg-1759305422.jpeg)
