Təhsil Nazirliyinin Respublika Bədən Tərbiyəsi və İdman Mərkəzinin təşkilatçılığı ilə ümumtəhsil və ilk peşə-ixtisas təhsili müəssisələrinin şagirdləri (oğlanlar və qızlar) arasında kütləvi idman yarışlarına start verilib.
Kütləvi idman yarışları çərçivəsində bu il martın 11-də Bakı şəhərindəki 242 saylı tam orta məktəbdə basketbol üzrə respublika birinciliyi keçirilib. Martın 12-də start verilmiş voleybol üzrə respublika birinciliyi oğlanlar arasında Bakı şəhərindəki 44 nömrəli, qızlar arasında isə 18 nömrəli tam orta məktəbdə keçirilir. Mini futbol üzrə respublika birinciliyi də "Vətən” Respublika İxtisaslaşdırılmış Olimpiya Ehtiyatları Uşaq-Gənclər futbol məktəbində martın 12-də başlayıb. Martın 13-də Bakı şəhərindəki 129 nömrəli tam orta məktəbdə stolüstü tennis, "Təhsil” Respublika İdman Mərkəzinin 1 saylı şahmat-dama məktəbində dama yarışlarına start verilib.
Yarışlarda paytaxt komandaları ilə yanaşı, respublikanın digər şəhər və rayon ümumtəhsil və ilk peşə-ixtisas təhsili müəssisələrinin komandaları da iştirak edəcək.
