13-15 iyun tarixlərində Bakıda 30-cu bədii gimnastika üzrə Avropa Çempionatı keçiriləcək.
Olimpnews.az saytı Azərbaycan Gimnastika Federasiyasının mətbuat xidmətinə istinadən xəbər verir ki, 5 aprel tarixində "Fairmont” otelində yarışın püşkatması keçiriləcək. Daha sonra Avropa çempionatına həsr olunmuş videoçarxın və Avropa Çempionatı-2014-ün saytının təqdimatı olacaq.
Xatırladaq ki, tədbirdə Avropa Gimnastika İttifaqının Bədii Gimnastika üzrə Texniki Komitəsinin prezidenti Hayde Bruneder, Azərbaycan Gimnastika Federasiyasının vitse-prezidenti Altay Həsənov, bədii gimnastika üzrə Azərbaycan yığmasının baş məşqçisi Mariana Vasilyeva, Azərbaycan Gimnastika Federasiyasının baş katibi, Avropa Gimnastika İttifaqının vitse-prezidenti Fərid Qaibov və digər rəsmi şəxslər iştirak edəcəklər.
