Cəbrayıl Həsənov Avropa çempionatında gümüş medal qazandı

Finlandiyanın Vantaa şəhərində güləş üzrə Avropa çempionatı davam edir.
Çempionatın üçüncü günündə 74, 125 kiloqram çəki dərəcələrində sərbəst, 55 və 69 kiloqram çəki dərəcələrində qadın güləşçilər mübarizə aparıblar. Azərbaycan güləşçiləri 3 çəki dərəcəsində təmsil olunsalar da, millimiz bir gümüş medal qazanıb.
Çempionatda 74 kiloqram çəki dərəcəsində mübarizə aparan Cəbrayıl Həsənov 8/1 finalda Alberto Martineslə (İspaniya) qarşılaşıb və 84 saniyə ərzində 10:0 hesablı qələbə qazanıb. Dörddəbir finalda İsveçrə güləşçisi Stefan Reyxmut üzərində vaxtından əvvəl qələbə qazanan idmançımız yarımfinala yüksəlmişdir. Finala gedən yolda türkiyəli Soner Demirtaşla görüşdə 2:0 hesabı ilə geridə olmasına baxmayaraq, "boxça” fəndi ilə rəqibinin kürəyini yerə vuran güləşçimiz finala vəsiqə qazanıb. Finalda Rusiya güləşçisi Ənvər Qeduyevlə gərgin görüşdən məğlub ayrılan C.Həsənov gümüş medala sahib olub.