Bakı Otüstü Hokkey Kompleksində XIII ölkə çempionatının yüksək dəstəsində yarışan kişi otüstü hokkey komandaları arasında III turun oyunları keçirilib. Əvvəlcə meydana Bakı və Sumqayıt şəhərlərinin eyniadlı - "Atasport” komandaları çıxıb.
Görüşdə paytaxt hokkeyçiləri 6:1 hesabı ilə qələbə qazanıblar. Turun digər görüşündə isə Qusarın "Şahdağ” komandası ölkə çempionu "Akkord”(Bakı) klubu ilə üz-üzə gəlib. Altı dəfə qızıl medallara sahib çıxan "Akkord” 3:2 hesablı qələbə qazanıb.
Beləliklə, 3-cü turdan sonra "Atasport”(Bakı) 7 xalla vahid liderdir. "Akkord” klubu 5 xalla II pillədə qərarlaşıb. Aktivində 4 xalı olan "Atasport”(Sumqayıt) 3-cü yerdədir. "Şahdağ” klubu isə keçirdiyi 3 oyunun hamısında məğlub olaraq hələlik turnir cədvəlinin son pilləsində qərarlaşıb.
Ölkə çempionatında IV turun oyunları aprelin 12-də keçiriləcək. Həmin gün "Akkord” və "Atasport”( Sumqayıt) komandaları qarşılaşacaqlar. Sonra "Şahdağ” və "Atasport”(Bakı) klubları münasibətlərinə aydınlıq gətirəcəklər.