Avarçəkənlər dünya kubokunun finalında
Milanda (İtaliya) baydar və kanoelərdə avarçəkmə üzrə dünya kubokunun birinci mərhələsi keçirilib.
Yarışların ilk günündə azərbaycanlı avarçəkənlər yüksək nəticə göstəriblər. Kanoedə Aleksey Kupin - Sergey Buzuqlıy cütlüyü ən yaxşı üçlüyə düşüb və 1000 və 500 metr məsaəfəyə üzmə üzrə finalda iştirak etmək hüququq qazanıblar.
Kanoedə təklikdə Nikola Matveyçuk 1000 metr məsafəni qətetmə yarışlarının yarımfinalında ikinci olaraq finala vəsiqə qazanıb.
Digər azərbaycanlı idmançı Anatoli Melnik də kanoedə təklikdə finala yüksəlib. O 500 metrlik məsafəni qətetmə üzrə finalda çıxış edəcək.
