İyunun 13-15-də Şamaxı Olimpiya kompleksində sərbəst güləş üzrə dünya çempionu, 12 dəfə SSRİ çempionu, Azərbaycanın və Ukraynanın əməkdar məşqçisi, Ukrayna Azərbaycanlıları Konqresi Kiyev şəhər təşkilatının sədri, "Azərbaycançılıq İnstitutu” beynəlxalq ictimai təşkilatının (BİT) prezidenti Oleq Krapivinin şərəfinə idmanın bu növü üzrə yeniyetmələr arasında II turnir keçiriləcək.
Turnir Azərbaycan Güləş Federasiyasının və Şamaxı Rayon İcra Hakimiyyətinin dəstəyi ilə təşkil olunacaq.
Artıq 350 yeniyetmə yarışlarda iştirak etmək arzusunda olduğunu bildirib. Xatırladırıq ki, Ukraynada Oleq Krapivinin təşəbbüsü və sponsorluğu ilə beşinci ildir ki, Azərbaycan xalqının ümummilli lideri Heydər Əliyevin xatirəsinə oğlan və qızlar arasında sərbəst güləş üzrə beynəlxalq turnir uğurla keçirilir.
AzərTAc-ın xəbər verdiyi kimi, 2013-cü ilin dekabrında Kiyev vilayətinin Brovarı şəhərində keçirilmiş sonuncu turnirdə MDB-nin və Aİ-nin səkkiz ölkəsindən 370 idmançı iştirak etmişdir.
jpeg-1736407840.jpeg)
