Daha bir Azərbaycan güləşçisi FİLA-nın reytinq cədvəlinə liderlik edir

Beynəlxalq Güləş Federasiyası (FİLA) təqvim planı üzrə mayda keçirilən yarışların nəticələrinə əsasən, iyun ayı üçün qadın güləşi üzrə idmançıların reytinq siyahısını açıqlayıb.
Qadın güləşçilərin reytinq siyahısına 6 idmançımızın adı daxil edilmişdir.
Siyahıda Mariya Stadnik (2-ci yer, 48 kq), Patimat Baqomedova (10-cu yer), Angela Doroqan (20-ci yer, hər ikisi 53 kq), İrina Netreba (5-ci yer, 58 kq), Yuliya Ratkeviç (1-ci yer, 60 kq) və Səbirə Əliyeva (20-ci yer, 75 kq) yer almışlar.
Qeyd edək ki, iyun ayı üçün sərbəst növ üzrə güləşçilərin reytinq siyahısında 61 kiloqram çəki dərəcəsində pəhləvanımız Hacı Əliyev birinci olmuşdur.