Gürcüstanın Mtşxeta şəhərində yeniyetmələr arasında yunan-Roma güləşi üzrə beynəlxalq turnir keçirilib.
Turnirdə iştirak edən yeniyetmələrdən ibarət Azərbaycan yığmasının üzvləri 4 bürünc medal qazanıblar.
Məşqçilər İslam Cəfərov və Vüqar Aslanovun rəhbərliyi altında 6 güləşçimiz turnirdə mübarizə aparıb və onlardan 4-ü fəxri kürsüdə yer alıb.
Bəxtiyar Muradov (54 kq), Murad Allahverdiyev, Rüstəm İsayev (hər ikisi 58 kq) və Sərxan Dadaşov (76 kq) bürünc medala sahib olublar.
Görüşlərin idarə edilməsində beynəlxalq dərəcəli hakim Vaqif Zeynallı ölkəmizi təmsil edib. Olimpiya dərəcəli hakim Hicran Şərifov isə Beynəlxalq Güləş Federasiyasının (FİLA) nümayəndəsi kimi yarışın hazırlığına və keçirilməsinə nəzarət edib.
jpeg-1736407840.jpeg)
