“Qran-pri” turnirində 4 güləşçimiz iştirak edəcək
İyunun 28-29-da Almaniyanın Dortmund şəhərində güləş üzrə Beynəlxalq "Qran-pri” turniri keçiriləcək.
Azərbaycan Güləş Federasiyasından olimpnews.az-a daxil olan xəbərə görə, turnirdə böyüklərdən ibarət sərbəst güləş üzrə Azərbaycan yığma komandasının üzvləri də iştirak edəcəklər.
Yığma komandanın baş məşqçisi Semyon Çterevin rəhbərliyi altında turnirə 4 güləşçimiz yollanacaqdır. Heyətdə Hacı Əliyev (61 kq), Ruslan Dibirhacıyev (70 kq), Cəbrayıl Həsənov (74 kq) və Həmzət Osmanov (86 kq) yer alacaqlar.
Komandamızın üzvləri turnirə Bolqarıstanın Belmeken şəhərində iştirak etdikləri növbəti təlim-məşq toplanışından yollanacaqlar.
Görüşlərin idarə edilməsində ölkəmizi beynəlxalq dərəcəli hakim Vüqar Şükürov təmsil edəcəkdir.
jpeg-1736407840.jpeg)
