Azərbaycanın yeniyetmələrdən ibarət yunan-Roma güləşi üzrə yığma komandası Qusar Olimpiya İdman Kompleksində təlim-məşq toplanışındadır.
Bu il iyulun 15-dən 20-dək Slovakiyanın Snina şəhərində keçiriləcək yeniyetmələr arasında güləş üzrə dünya çempionatına hazırlaşan milli komandamız yarışa tam heyətlə qatılacaq.
Güləşçilərin hazırlaşması üçün hər bir şəraiti olan Qusar Olimpiya İdman kompleksində böyük məşqçi Nurəddin Rəcəbov və məşqçi İslam Cəfərovun rəhbərliyi ilə keçirilən təlim-məşq toplanışında 20 idmançı iştirak edir. Bu güləşçilərdən 10 nəfər Slovakiyada keçiriləcək dünya çempionatında medallar uğrunda mübarizə aparacaq.
İyunun 28-dən başlayan təlim-məşq toplanışı iyulun 11-dək davam edəcək.
jpeg-1736407840.jpeg)
