Güləşçimiz dünya çempionatının gümüş medalını qazandı
Slovakiyanın Snina şəhərində yeniyetmə güləşçilərin dünya çempionatı keçirilir.
Azərbaycan Güləş Federasiyasından daxil olan məlumata görə, çempionatın ilk günündə 50, 54, 58, 63 və 100 kq çəki dərəcələrində yunan-Roma güləşçiləri mübarizə aparıblar. Güləşçilərimiz ilk yarış gününü bir gümüş medalla başa vurublar.
Çempionatda 100 kq çəki dərəcəsində mübarizə aparan Cavid Feyziyev bütün rəqiblərini üstələyərək finala yüksəlib. Finala qədər güləşçimiz Çexiya, Polşa, Belarus və Rusiya təmsilçilərini mübarizədən kənarlaşdırıb. Finalda Gürcüstan idmançısına uduzan C.Feyziyev gümüş medalla kifayətlənib.
jpeg-1736407840.jpeg)
