Yeniyetmələrin ikinci Yay Olimpiya Oyunlarında avqustun 25-də güləş yarışları başlayıb.
Əvvəlcə mübarizəyə yunan-Roma güləşçiləri başlayıblar. Bu növdə ölkəmizi təmsil edən Cabbar Nəcəfov (50 kq) inamla yarışaraq təsnifat mərhələsində Uğur Beytekini (Türkiyə) 4:0, Məhəmmadrza Ağaniyani (İran) 3:1 və Dorin Kocakarini (Moldova) 4:0 hesabı ilə məğlub edərək finala çıxıb. Finalda onun rəqibi özbəkistanlı İlxom Baxromov olub. Maraqlı keçən qarşılaşmada təmsilçimiz uduzaraq gümüş medalla kifayətlənib.
Digər təmsilçimiz İslambek Dadov (69 kq) ilk görüşdə özbəkistanlı Abubəkr Alimovu 3:0, ikinci görüşdə isə misirli Ömər İbrahimi 3:0 hesabı ilə məğlub edib. Finalda isə o, qazaxıstanlı Yevgeni Polivadova qalib gələrək (3:0) Olimpiya çempionu tituluna layiq görülüb.
jpeg-1736407840.jpeg)
