İsrailin Holon şəhərində bədii gimnastika üzrə Qran-pri turnirinin mərhələ yarışı çərçivəsində növbəti turnir keçirilib. Perspektivli gimnastımız Jalə Piriyeva bu turnirdə uğurla çıxış edərək, 4 medal qazanıb. Gimnastımız topla ikinci yeri tutub. O, çoxnövçülük, gürz və lentlə hərəkətlərdə çıxışına görə bürünc medala sahib çıxıb. Digər gimnastımız Ayşə Mustafayeva böyükyaşlı gimnastlar arasında topla çıxışına görə gümüş medal qazanıb. Lalə Yusifova isə topla dördüncü olub.
Qeyd edək ki, bu gün Polşada bədii gimnastika üzrə «Baltic Cup» beynəlxalq turnirinə start veriləcək. Turnirdə Azərbaycan gimnastları da bacarığını nümayiş etdirəcək.
Yarışın mükafatçıları ayın 17-də müəyyənləşəcək.
