Beynəlxalq Güləş Federasiyası (FİLA) prezidenti vəzifəsini icra edən Nenad Laloviç və Avropa Güləş Federasiyasının (CELA) prezidenti Çeno Çenov Avropa Olimpiya Komitəsi ilə müqavilə imzalamışlar.
Müqaviləyə əsasən sərbəst, qadın və yunan-Roma güləşi üzrə növlər 2015-ci ildə Azərbaycanda keçiriləcək birinci Avropa Oyunlarının proqramına salınmışdır.
Qeyd edək ki, bu müqavilədən sonra güləş üzrə 2015-ci ildə keçiriləcək Avropa çempionatı ilə bağlı qeyri-müəyyənlik yaranmışdır. Lakin böyük ehtimalla həmin ildə qitə birinciliyi keçirilməyəcəkdir.