Şənbə günü 15 yaşınadək oğlanlardan ibarət klubların iştirakı ilə ölkə birinciliyinin növbəti turunun oyunları keçirilib. Medallar uğrunda mübarizə aparan komandaların final mərhələsindəki oyunlarında bu nəticələr qeydə alınıb:
"Şahdağ” (Qusar) - "Atasport-Binə”- 3:2
"Akkord” (Sumqayıt) - "Şəmkir” - 2:3
15 yaşınadək oğlanların mübarizəsində 5 oyundan 13 xal toplayan Qusar hokkeyçiləri yarışların başa çatmasına 1 tur qalmış ölkə birinciliyinin qızıl medallarını özlərinə təmin ediblər. "Atasport-Binə” və "Şəmkir” komandaları 6 xalla II -III yerləri bölüşürlər. Aktivində 4 xalı olan "Akkord” isə IV yerdədir.
15 yaşınadək oğlanların yarışında sonuncu turun oyunları oktyabrın 25-də keçiriləcək. Tur "Atasport-Binə” - "Akkord” matçı ilə start götürəcək. Daha sonra isə "Şahdağ”və "Şəmkir” komandaları qarşılaşacaqlar. Həmin oyunlar başa çatdıqdan sonra yarışın mükafatlandırma mərasimi keçiriləcək.
